កាលពីថ្ងៃទី២០ ខែសីហា ឆ្នាំ២០២៤ មហាវិទ្យាល័យបច្ចេកវិទ្យា និងវិទ្យាសាស្ត្រ បានសហការជាមួយវិទ្យាល័យព្រៃព្នៅ ខេត្តព្រៃវែង រៀបចំកម្មវិធីបោះជំរំវិទ្យាសាស្រ្ដដែលមានការចូលរួមពីសិស្សានុសិស្សថ្នាក់វិទ្យាសាស្ត្រ ចំនួន ៦៨ នាក់

កម្មវិធីបោះជំរំវិទ្យាសាស្រ្ដនេះ មានគោលបំណងចែករំលែកចំណេះដឹងវិទ្យាសាស្រ្ដតាមរយៈការអនុវត្តពិសោធន៍ដោយផ្ទាល់ និងលើកកម្ពស់ការយល់ដឹងពីសារៈសំខាន់នៃការសិក្សា STEMនៅឧត្តមសិក្សា។ ខាងក្រោមនេះជាសកម្មភាពនៃការអនុវត្តន៍ពិសោធន៍ផ្ទាល់របស់សិស្សានុសិស្ស ដោយមានការណែនាំពីនិស្សិតគីមីចំណីអាហារ និងក្រុមការងាររបស់មហាវិទ្យាល័យ។

តាងនាមក្រុមការងារកម្មវិធីបោះជំរំវិទ្យាសាស្រ្ដរបស់សាកលវិទ្យាល័យអន្ដរជាតិ ព្រឹទ្ធបុរសមហាវិទ្យាល័យ សូមថ្លែងអំណគុណយ៉ាងជ្រាលជ្រៅដល់គណៈគ្រប់គ្រងវិទ្យាល័យព្រៃព្នៅ ដែលបានស្វាគមន៍យ៉ាងកក់ក្ដៅដល់ក្រុមការងារ និងផ្ដល់កិច្ចសហការយ៉ាងជិតស្និទ្ធក្នុងការរៀបចំកម្មវិធីនេះ។